Scola y plurilinguism

scuola 

Tla scola di luesc ladins dla provinzia de Bulsan se anconta trëi rujenedes: ladin, talian y tudësch. L cuntat cun i ujins de rujeneda tudëscia y taliana pieta de bona ucajions per se cunfrunté cun la cultura di autri. L ie nsci chersciù n sistem scolastich daviert al plurilinguism y al mond ntëur via.
Na urdenanza ministeriela dl ann 1948 ie la fundamënta dla scola paritetica ti luesc ladins de Sudtirol. L nseniamënt dla materies vën purtà dant aldò dl model paritetich: na pert per talian y na pert per tudësch. L ladin ie na materia de nseniamënt y l vën nce adurvà sciche rujeneda de cuntat cun i sculeies te uni scola.

La scola paritetica à na si Ntendënza Ladina (1975) y n si Istitut Pedagogich ladin (1987), cun sënta a Bulsan.

Tla Università Liedia de Bulsan (1998) iel unì metù su na sezion aposta per la furmazion di nsenianc ladins, tla facoltà de Scienzes dla Furmazion a Persenon.

Ejëmpl ora de n proiet de plurilinguism dla scolina de Urtijëi
"Biancaneve e i sette nani" (n valguna scenes) - cunzet y realisazion Brigitte Perathoner 

FaLang translation system by Faboba