L ladin tla vita da uni di

 lingua


A furné ite te Gherdëina o tla Val Badia ie la tofles sun streda te trëi rujenedes: gherdëina o badiot, tudësch y talian.
I chemuns dla valedes ladines mostra su trëi inuemes, p. ej.: Urtijëi – St. Ulrich – Ortisei. L ie nce n valgun macrotoponims te trëi rujenedes: Bozen – Bolzano – Bulsan; Trient – Trento – Trënt; Brixen – Bressanone – Persenon. La microtoponomastica uriginela dla valedes ladines ie, al cuntrer dla macrotoponomastica, per l plu ladina te duta la valedes. Tla valedes ladines dla provinzia de Bulsan ons n cheder linguistich de trilinguism: l vën rujenà ladin, tudësch y talian.


Tl'autra valedes ladines dla provinzies de Trënt y Belun iel na situazion de bilinguism: ladin y talian.
L ann 1989 ie l ladin unì recunesciù, daujin al tudësch y al talian, coche rujeneda aministrativa. L ladin ie da adurvé a usc y per scrit te duc i chemuns ladins dla provinzia de Bulsan y te duc i ufizies dl'aministrazion provinziela che à da nfé cun i ladins.


L ladin ie, dal 1993 incà, nce unì recunesciù coche rujeneda aministrativa tla provinzia de Trënt, ma nia tla provinzia de Belun.

 

 

FaLang translation system by Faboba