Le pröm smartphone cun le lingaz ladin é gnü presenté tl campus dl’Université de Balsan. Chësc por mirit de na iniziativa de Motorola. Aladô dl proiet él gnü chirí fora n lingaz de mendranza por vigni continënt y integré danter i lingac da podëi adoré sön le smartphone Motorola. Por l'Europa él gnü chirí fora le lingaz ladin. La traduziun de passa 200.000 parores é gnüda fata dal team de traduturies y traduturs dl Istitut Ladin Micurá de Rü cun le coordinamënt dl professur Paul Videsott dl’Université Lëdia de Balsan.
