Reforma dl ejam de ladin:
poscibilités da porvé fora l'ejam nü

Cun deliberaziun nr. 481 di 28.04.2015 á la Junta provinziala aprové, aladô dl art. 3 dl DPR nr. 752 di 27.07.1976, le conzet por l'ejam de ladin nü che i candidac y les candidates messará fá dal proscimo ann inant.

Denanco pié ia cun l'ejam nü oress le Sorvisc Ejams de bi- y trilinguism de Balsan fá na proa danfora, n pre-test, por odëi sce les modalités d'ejam vá bun. Porchël vëgnel chirí porsones che oress porvé da fá l'ejam de ladin nü.

Les proes por l'ejam nü vëgn tignides:

livel A – en lönesc, ai 16 de jená, dales 8.30 ales 13.30
livel B – en mertesc, ai 17 de jená, dales 8.30 ales 13.30
livel C – en mercui, ai 18 de jená, dales 8.30 ales 13.30
livel D – en jöbia, ai 19 de jená, dales 8.30 ales 13.30

tla sënta dl Sorvisc Ejams de bi- y trilinguism a Balsan, Str. Dr.-Julius-Perathoner 10, secunda alzada.

Por podëi fá la proa d'ejam (pre-test), mëssel almanco ester 15 porsones por vigni livel che fej para, porchël Ves periunse bel da Ves anunzié pro le Sorvisc Ejams de bi- y trilinguism, cherdan sö le numer 0471 - 413920 o menan na e-mail ala porsona inciariada, Karin Ranzi – karin.ranzi@provinz.bz.it – che tol ince sö les iscriziuns.