Chësc numer dla “Ladinia” ti vëgn dediché al convëgn “Lessicografia tradizionale e in rete in una realtà plurilingue”, che é gnü tigní a Balsan de merz dl 2023. La manifestaziun é gnüda arjignada ca deboriada da trëi ënc portadus (Istitut Ladin, Accademia della Crusca, Eurac Research) sot la guida de Claudio Marazzini (presidënt da denant dl’Accademia della Crusca, Firenze) y Marco Forni (lessicograf dl Istitut Ladin) y é gnüda tignida dai 30 ai 31 de merz 2023 tla sënta de Eurac Research a Balsan. Le team dla “Ladinia” ti dij porchël n dilan de cör ai dui promoturs dl convëgn y a Paolo Di Giovine (Sapienza, Université de Roma) por so aiüt de gran valüta da fá la redaziun de chisc ac.
