L liber ie partì su te de plu capituli, che rejona di lëures deferënc sun n luech, sciche l lëur cun l fën, cun la tiera, cun la blava, l lat y si derivac, i lëures te cësa y n.i. Te uni capitul iel da udëi i dessënies dla massaria che n adrova y suvënz nce fotografies. Pra uni pez de massaria iel leprò si inuem y na spligazion de coche n la adurvova. N à cialà de mëter tl liber, tan inant che l fova mesun, fotografies storiches, per lascé udëi tòc de vita da zacan che ne n’ie nia plu. Ma nia dinrer iel mo stat mesun fotografé nce cosses che se à mantenì almanco nchin ncuei.
