Michaela Kostner à scrit la storia Miko sun l viac de viers di culëures y deberieda cun la persones cun bujëns particuleres dla berstot Locia de Urtijëi y cun la Cumunità raion Salten–Scilier iel unì fat i dessënies che toca leprò.

Per duc ma nce per la persones cun bujëns particuleres ie la scritura y la comunicazion n strumënt fundamentel per se lië al rest dl mond, per fé pert y per tò pert. L tré ite persones cun bujëns particuleres tla sozietà y l cialé che les vënie ntegredes possen fé te plu manieres. Una de chësta ie propi la fabula ilustreda.

Te chësc cuntest ie la scritura Braille n ejëmpl emblematich, co tò y jì barieres de comunicazion y dé inant la nfurmazion a chëi che ne vëija nia.