Te n urt a Picolin virel la picera sgnecora Milia. I mëisc cialc se röia tosc y i lersc müda le corú de süa odlina. N bel de arsëscel na vidundera sön si. “Olá vaste pa?”, damana Milia. La Gran Vidundera cunta dl Mer Mediteran, dl desert dl Sahara y dla savana. “Fossel mo n post ince por sgnecores?”, damana Milia, y la Vidundera respogn de sce.
Insciö mët man le gran iade de na picera sgencora, ilustré cun maestria, atenziun por detais y na bela preja de umor da Gabi Mutschlechner. La storia de Milia é na racoiüda te un liber de Iris del Valle, publizista y auturia por le format “Radio por mituns pici” dla Rai Ladinia. La protagonista é Milia, na sgnecora da Piculin che roda le monn y descür de vigni sort de cosses.
Chësta publicaziun multimediala vëgn arichida da finestres da daurí cun informaziuns didatiches a mosöra de mitans y mituns, p.ej. sora ci che les sgnecores fej tratan l’invern o sce ares á dënz. Le liber vëgn lapró ince acompagné da na verjiun audio aprofondida, partida sö te 14 capitui da ciafé online cun n QR tl liber.
