Margareth Forer, nes presënta na bela picia storia indiana cun sües ilustraziuns particolares, te n stil che ti vëgn adincuntra al sintì de pici y gragn. Ara se trata de chedri artistics, ispirà a n realism magich, che paissenëia dër bun pro i contegnüs simbolics de chësta storia orientala, adatada en pert dal’auturia. Ara ne va te chësta storia nia ma de na picia cuntia de tiers, sciöche an podess miné tl pröm momënt. La iarina Saltarina é na personalité che se svilupëia inanter tröpes dificoltês y devënta val’ d’ater, de plü alt, che jora sura le banal dla vita fora.
