Racoiüda de consëis por se stravardè da maraties desvalies. Al é plü rî da conscidré y valorisé les cosses che se sta incëria che chëres ch'i messun jì dalunc a chirì. Chësc vel inće por les plantes y erbes che crësc incër nos ia y che ne contëgn nia ma sostanzes de valüta por nes nudrì, mo inće por se varì da nüsc mai. I plü gran doturs dl'antichité à varì generaziuns de jënt ma cun l'aiüt dles forzes che é tla natöra. Le liber ne sostituësc nia le dotur, mo dëida varì nüsc pici mai da vignì dé.
