Toponomastica

 

Ti ultimi agn án abiné adöm sistematicamënter i toponims ladins dla Val Badia y de Gherdëna. Chisc é spo gnüs registrá te na banca dac computerisada. Al é gnü chirí adöm i inoms de posć, crëps, pra, rüs y i.i. tignin cunt ince dles variantes.

La gran richëza dla racoiüda é i microtoponims: chi inoms che ma i paurs o la jënt plü vedla conësc y che n'é nia da ciafé sön vigni cherta. I toponims é spo gnüs georeferenziá, chël ô dì che ai é gnüs liá a n punt avisa sön na cherta geografica digitalisada arjignada ca aposta.

La banca dac pîta la poscibilité de injunté informaziuns y fá coreziuns te vigni momënt; tl dagní podarán mëte lapró fotografies, registraziuns y informaziuns sura la storia o l'etimologia di inoms. La publicaziun dles chertes é porchël ma öna na pert de n majer proiet che ciara plü inant. An oress spo presenté le proiet tles scores, por ti fá conësce ince ai plü jogn le valur cultural de chësc laur. 

I toponims nes cunta tröp sura le lingaz ladin, les usanzes, la flora y la fauna de nosc raiun. Dilan ala colaboraziun cun les porsones dl post pon tigní sö inoms che jiss zënza a perde cun le passé dl tëmp.

 

FaLang translation system by Faboba