Archeologia

 

Ti agn passá él gnü porté inant inrescides archeologiches, metüdes a jí en colaboraziun cun universités y sot ala direziun dla "Suraintendënza ai Bëgns Storics y Artistics", sciöche por ejëmpl sön Plan de Frea o a Sotciastel. Dailó él gnü abiné testemonianzes dla presënza dla porsona che va zoruch al Mesolitich y al'Eté dl Brom.

Les testemonianzes archeologiches á n'importanza particolara por la Ladinia, ciodí che na certa sort de reperc nes dá de bunes informaziuns en cunt dla Preistoria.

L'archeologia ciafa ciamó na majera importanza dal momënt che al n'é fina sëgn nia ciamó gnü ciafé documënc scric che testemoniëia na presënza stabila tratan döt l'ann tles valades ladines dles Dolomites tl pröm milenn dan G.Cr. y resta insciö la sora poscibilité desmostrativa. L'Istitut Ladin ciarará, constatada l'importanza de chësc setur, de promöie ince tl dagní inrescides nöies tl ciamp archeologich.

 

FaLang translation system by Faboba