Select your language

Revista “Ladinia

 

Tla “Ladinia”, la revista scientifica dl Istitut Ladin Micurá de Rü che vëgn fora n iade al ann, vëgnel publiché de vigni sort d’inrescides che á da nen fá cun le lingaz ladin dles Dolomites, mo ince di Grijuns y dl Friul, cun la preistoria, la storia y ciamó tröc d’atri argomënc che reverda les valades ladines.

La revista contëgn deplü articui scric da esperc de retoromanistica che se dá jö cun la storia y le svilup dl lingaz, l’etimologia, la soziolinguistica, la linguistica, la lessicologia, la dialetologia, la musiga, l’ert y la leteratöra.

Lapró vëgnel ciamó deplü rezenjiuns de publicaziuns che á da nen fá cun le raiun ladin y rezenjiuns de articui publicá te d’atres revistes o foliec.

Le fin dla revista é chël da dé impulsc y da stimolé i stüdi dl lingaz y dla cultura ladina ince ti ambiënc universitars talians y foresć, por che nosc lingaz de mendranza ciafes le dër prestige, che é na garanzia implü por na continuité tl dagní dl lingaz instës.

ladinia header web